SALMONIS Saltus

SALMONIS Saltus
Gyraldo dicitur locus in Dimeris, Britanniae Insul. regione, ubi Tivius fluv. ad Kilgaran, a Gyraldo munitum, lapsus ex alto praeceps ruit; quod salmones (piscium maiorum genus) interiora fluminis ex Oceano petentes, cum obstaculum hoc occutrit, caudam ad os replicant, interdum etiam ad maiorem salrus efficaciam caudam ipsam ore comprimunt, dumque a circulo huiusmodi se resolvunt, cum impetu quodam, tamquam virgae circulatae explicatione, se ab imis ad alta, cum intuentium admiratione, transmittunt. Unde scitissime Ausonius in Mosell. v. 97.
Nec te puniceô rutilantem viscere salmo
Transierim, latae cuius vaga verbera caudae,
Gurgite de medio summas referuntur in undas.
In eiusdem Insulae Brigantibus, Lonus fluv. vulgo Lune, ex Westmotlandiae montibus cadens, accolas aestivis mensibus eiusdem piscis opimâ piscatione ditat. Sed Banna Hiberniae fluv. Salmonibus totius Europae fecundissimus longe, eo quod omnium fluviorum, ut aliqui existimant, lit limpidissimus, cuiusmodi aquis unice ii pisces delectantur. Vide Guil. Camdenum in Britannia passim, et infra in voce Scotia. In Sinici Imperatoris Kiangsia provinc. vim ingentem piscium, salmonum praecipue, quorum unus 160. libras pendens, sex Iuliis regalibus Hispanicis quandoque ematur, reperiri, tradit Auctor Anonymus Sinae et Eur. c. 42. plura de hoc pisce, vide apud Vossium de Idolol. l. 4. c. 3. 22. 29. 31. praeter auctores, qui de Piscibus scripsêre.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.